مش هنديك رقم على الهوا. هنشرح لك الـ ٧ عوامل اللي بتحرّك السعر فعلاً، عشان لما تقارن بين عرضين تبقى عارف إنت بتقارن إيه بإيه.
كل ما زاد السُمك، زاد الثبات وقوة التحمّل — وزاد السعر. السُمك المناسب للشقة السكنية غير المناسب لمحل أو مكتب فيه حركة كتير.
دي الطبقة الشفافة اللي فوق النقشة وهي اللي بتتآكل مع الوقت. سُمكها هو أهم فرق بين لوح رخيص ولوح بيعيش. الفرق في السعر هنا حقيقي ومستحق.
المساحات الكبيرة بتاخد سعر أفضل للمتر. الغرفة الواحدة مش زي شقة كاملة مش زي دور كامل.
توريد بس، ولا توريد وتركيب بفريقنا؟ ولازم تعرف: في عروض بتبان رخيصة لأنها توريد فقط والتركيب بيتحسب عليك بعدين.
الـ SPC بيتركب فوق معظم الأرضيات القديمة. بس لو الأرضية فيها فروقات مناسيب أو تموّج، بيحتاج تسوية — والتسوية دي بند مستقل.
القص والتقفيل بيستهلكوا نسبة من الكمية. المساحات المكسّرة والتركيب المائل هالكهم أعلى من الغرف المنتظمة.
التسليم داخل القاهرة الكبرى غير الساحل الشمالي أو البحر الأحمر أو باقي المحافظات.
إحنا موزّع، مش محل تجزئة. جزء كبير من شغلنا هو توريد أرضيات ACE لمحلات الأرضيات في مصر. لو نشرنا سعر تجزئة على الموقع، يبقى إحنا بننافس عملاءنا نفسهم — وده مش أسلوبنا في الشغل.
عشان كده بنحسب كل حالة على حدة، وبنديك رقم حقيقي على المساحة والمواصفة بتاعتك مش رقم عام مالوش معنى.
أغلب الناس بتقارن رقم برقم وخلاص. ده غلط. قبل ما تقارن، اسأل كل مورّد الأسئلة دي:
عندنا الـ ١٤ لون متوفرين دايماً في مخازننا بمدينة نصر وأنشاص، فالتوريد فوري ومفيش انتظار استيراد ولا اعتماد مستندي ولا تقلبات دولار.
قولنا المساحة تقريباً، والمكان، وهل عايز توريد بس ولا توريد وتركيب — ونرد عليك بعرض سعر مفصّل.
AL-KHALIL SPC